Yesu Akiwa Mtoto

Kila mwaka Maria na Yusufu walikwenda Yerusalemu kwa sikukuu ya Pasaka. Yesu alipokuwa na umri wa miaka kumi na miwili, alikwenda pamoja nao. Sikukuu ilipokwisha, wazazi wake walianza safari ya kurudi nyumbani pamoja na ndugu na marafiki. Walidhani Yesu yuko katika msafara, lakini yeye alikuwa amebaki Yerusalemu.

Maria na Yusufu walirudi kumtafuta. Baada ya siku tatu walimkuta hekaluni, ameketi pamoja na walimu, akiwasikiliza na kuwauliza maswali. Wote walishangaa jinsi alivyoelewa. Mama yake akamwambia kwamba walikuwa wakimtafuta kwa wasiwasi mwingi. Yesu akarudi nao nyumbani Nazareti, akawatii, akaendelea kukua katika hekima na kupendwa na Mungu na watu.