Chakula cha Mwisho

Ilikuwa wakati wa sikukuu ya Pasaka. Yesu aliwatuma Petro na Yohana waandae chakula cha Pasaka. Walipata chumba kikubwa cha ghorofani, kama Yesu alivyowaambia, wakaandaa kila kitu. Jioni Yesu aliketi mezani pamoja na mitume wake. Aliwaambia kwamba alitamani sana kula chakula hicho pamoja nao.

Yesu alichukua mkate, akamshukuru Mungu, akaumega na kuwapa, akisema, "Huu ni mwili wangu unaotolewa kwa ajili yenu. Fanyeni hivi kwa kunikumbuka." Baada ya chakula alichukua kikombe, akasema kikombe hicho ni agano jipya la Mungu. Yesu alijua kwamba hivi karibuni angetoa maisha yake kwa ajili yao. Mkate na kikombe vingewasaidia marafiki zake kukumbuka upendo wake daima.