Yesu Anaingia Yerusalemu

Yesu na wanafunzi wake walipokaribia Yerusalemu, aliwatuma wanafunzi wawili katika kijiji kilichokuwa mbele yao. Aliwaambia watamkuta punda pamoja na mwanapunda, wawafungue na kuwaleta kwake. Wanafunzi walifanya kama walivyoambiwa, wakatandika nguo zao juu ya punda, na Yesu akapanda.

Umati mkubwa ulifurahi sana. Wengine walitandika nguo zao njiani, na wengine walikata matawi ya miti wakayaweka barabarani. Watu walipiga kelele za shangwe, "Hosana kwa Mwana wa Daudi! Amebarikiwa yeye ajaye kwa jina la Bwana!" Yesu alipoingia Yerusalemu, mji wote ulitaharuki. Watu wakauliza, "Huyu ni nani?" Umati ukajibu, "Huyu ni Yesu, nabii kutoka Nazareti ya Galilaya."