Mungu Anamwita Ibrahimu

Mungu alimwambia Ibrahimu, 'Ondoka katika nchi yako, uwaache jamaa zako na nyumba ya baba yako, uende katika nchi nitakayokuonyesha.' Mungu akampa ahadi kubwa: 'Nitakubariki na kukufanya taifa kubwa, na kupitia kwako jamaa zote za dunia zitabarikiwa.'

Ibrahimu alimwamini Mungu, akaanza safari ingawa hakujua hasa anakokwenda. Alikuwa na umri wa miaka sabini na mitano. Alimchukua mkewe Sara, mpwa wake Lutu, watu waliokuwa pamoja nao na mali yao yote, wakasafiri hadi nchi ya Kanaani. Huko Mungu akamtokea, akamwambia, 'Nitawapa wazao wako nchi hii.' Ibrahimu alijenga madhabahu ili kumwabudu Mungu, kisha akaendelea kusafiri kutoka mahali hadi mahali, akiishi katika hema.