Yesu Anatuma Wanafunzi Wake

Baada ya Yesu kufufuka, wanafunzi wake kumi na mmoja walikwenda kwenye mlima huko Galilaya. Walipomwona Yesu walimwabudu. Yesu akawaambia, "Nendeni mkawafanye watu wa mataifa yote kuwa wanafunzi wangu, mkiwabatiza na kuwafundisha yote niliyowaamuru. Nami nipo pamoja nanyi siku zote, hata mwisho wa dunia."

Baadaye Yesu aliwaahidi kwamba Roho Mtakatifu atakuja kuwapa nguvu, nao watakuwa mashahidi wake kuanzia Yerusalemu hadi miisho ya dunia. Wakiwa wanatazama, Yesu alichukuliwa juu, na wingu likamficha. Watu wawili waliovaa mavazi meupe wakasema Yesu atarudi tena kwa namna hiyo hiyo. Wanafunzi walikuwa na tumaini jipya na kazi mpya ya kushiriki habari njema.